Mose Njo

Tsy tazany fa efa tongan’ny herinaratra avokoa ny tanàna rehetra izay nolalovany.

Tsy nampozin-dRabe loatra koa hoe hamoaka paozy mihaja be toy izany ny lambahoany rehefa miaraka amin’ny palitao maivana, zile, lobaka manify ary satroka penjy raitra zaitra.

Saika vita tamin’ny biriky amam-bato avokoa ny trano tsy resin-drivodoza mandalo isak’izay mahatsiaro.

Nandalo niserana tao am-pony nanao tsidipahitra ndrao nofy ihany aza ity niainany ka sao izy hifikitra, ho tamàna, ho babo tanterak’ity tontolo nisy azy ity nefa e poatoizay, taitra izy, ao am-pandriana

Tao ny nankeny amorom-parihy, nitaingin-dakana, nanjono tamin’ny tadimpintana, tao ny tany an-tendrombohitra, nankafy fanginana, tao ny tany ambanivohitra, niompy sy namboly