Mose Njo

Isaky ny niteny izy tsinona, dia nanondro kely any amin-dRabe, dia nangala-pijery tany aminy ireto namany sady nihivingivina no nanao fijery nanetry no nikakakaka ihany

Raha mora raofina ny fako, omby tanana, omby borety, ny tsaho sy ny lainga aely kosa toy ny rano raraka amin’ny tany, tsy azo raofina intsony

Nibanjina sarona tatatra vy teo amin’ny sisinarabe izy dia tsy nisalasala na ny kely aza, nesoriny

Lanaka ny lohany, ketraka ny fony, ka nanaraka izay onjany fotsiny sisa no hany vitany, nanaradriandrano toy ny nametrapialana ny sainy

Koa nitalaho izy nitodika tany amin’i Lisy, niangavy fitsaharana kely, na vetivety monja aza. Tsy hoe hilavolefona izy tsy akory, fa haka fotoana handinihana sy hakana saina manoloana izany rehetra izany