Lisy

Tany amin’ny tsy izy indray anefa izany no nifatratra ary ny tena nanampy trotraka an’izany rehetra izany, voahitsaky Rabe ilay peta-drindrina voatifiny teo nisy soratra hoe Kurt Cobain dia nisolifatra izy.

Nitazana an’Antananarivo izy, iny Ambohijatovo iny, Faravohitra, Analakely, Ankorondrano, endrey, natelin’ny afo avokoa.

Nanintona kely ny masony ny hotely Panorama fahiny fotsy izao mainty saribao efa nilaozan’ny afo nirodana tsikelikely ary taitra tampoka izy nahare feo nipoaka tsy hay hoe inona toy ny feona tafondro tokana tsy lavitra ny hotely Panorama.

Niaina mafy indray mandeha izy natrerony kely tamin’ny tanany havanana ny fandrifatr’ilay moto, navotsony ny fanisatra ary norosony ho any Tsiazotafo ny dia, poatoizay nefa, tsy lasa metatra firy akory, naviliny malaky ho any amin’ilay totohabato.

Nisento kely Rabe nahatsiaro ilay sary hitany tamin’ny Facebook nampiseho ny haravoan’ny olona nandeha lamasinina tamin’izany, izy rahateo mbola tsy nandeha, tsy nahatratra izany vanim-potoana izany fa ny hany fantany momba ny lamasinina dia mpitatitra entana